DOLOK

Add caption

Sermon Ressort Marbun Barat, Minggu 3 Juli 2011

3 Musa 25: 1 - 10

SABBAT: HIDUP MENSEJAHTERAKAN DAN MEMBEBASKAN

1. Buku 3 Musa on didok halak Jahudi WAYYIQRA na marlapatan Debata do na manjou. Jala buku 3 Musa on ima buku na marisihon angka uhum taringot tu pangalaho ni jolma na maralo tu lomo ni roha ni Debata, ido nang na tinaringotanna na di turpukta on. Nian uju di jalo si Musa patik ni Debata di dolok Sinai di dok do disi “Onom taon padodot saburanmu tanomi, jala papunguonmu gogona. Alai anggo papitutaonhon ingkon ulangonmu ma, jala patalunonmu, asa panganon ni angka na pogos sian bangsom, jala na tinebahonnasida jadi ma panganon ni binatang di ladang. Suang songon i do bahenonmu tu porlak anggurmu dohot tu hau jetunmu (2 Musa 23, 10-11). Ala ni molo tapamanat sian ayat 1-2 di pasahat Debata Patik na tu si Musa uju di dolok Sinai, asa di pasahat tu bangso Israel, molo dung masuk nasida tu tano naung niuarihonNai ingkon do parbadiaon ni nasida hari Sabbat (Pat Patik 4). Dipangido Debata do asa di parbadia i jolma i ari sabbat i, songon ari paradianan ni Debata. Jala marhite turpuk on, naeng paingottonna tu bangso Israel nang tu hita ndang na holan jolma nai ingkon pabadiahon ari sabbat, alai dohot do nang tano i. Ala ni do molo ta ida di ayat 2 di dok “ingkon pataluonmu do tano i marparadianan Sabbat di Jahowa. Pataluhon na marlapatan do i mangalehon tingki tu tano i marhosa, asa napu muse. Ala ni do cara laho pabadiahon sabbat i ima marhite na mangula bangso i dibagasan na onon taon, jala dung taon papituhon ima taon sabbat, ndang jadi nasida mangula, manabur dohot mandakai hauna.naeng dohonon na ndang na holan jolma in a porlu istirahat mangalap gogo, tano i pe porlu do mangalap gogo. Ala ni saluhut na tubu di hatiha na sataon in dang jadi panenon ni jolma, ai huaso ni Debata na patubuho, ndang jolma i. sian i boi do berengonta, so manabu pe jolma i, so di rawat pe, tong do marparbue na denggan angka hau i. Ala ni do angka na so nampuna tano (napogos) ma na boi manggotil sian i selama saton sabbat i.

2. Sian hatorangan na i bi ma idaonta, tano i pe porlu do istirahat, ido ra asa di partingkianta sinuaeng pe, sai tabahen do tingki na holing andorang so turun ulaon, isarana na mareme, ndang disi di panen eme i pintor tasuani, alai adong do tingki tabahen apa sabulan asa mangula muse. Ndang boi lomolomo ni jolma i tu tano, ai silehonlehon ni Debata do i. Alai nang pe songon i torop do jolma na so mangalehon maradi tano i, manusia berbuat seenaknya terhadap tanah/bumi yang didiami tanpa memperdulikan  bahwa pemilik tanah itu adalah Tuhan. Ala ni do di partingkianta si nuaeng torop do jolma na marsak ala ni gejala alam, manang na jotjot tabege pemanasan global. Ai ala ni angka jolma na so mamparohahon keseimbangan alam, lomolomona ma manabai hau, pembakaran hutan, na mambahen gabe adong na kebanjiran, kekeringan, dohot lan na asing. Tam ba do pe muse angka pabrik na membuang limbah sembarangan na mambahen gabe dang tubu be di tano i suansuanan. Lapatan na ndang adong peremajaan di bahen jolma i dung dibuat hasilna, ditadingkon do songon i. Alai marhiteturpuk on di paingot do hita asa tapatalu tano i.

3. Tradisi Sabat ima tradisi na penting di halak Israel . Ari sabbat ma ari paradianan ni jolma i siang ganup ulaonna saleleng onom ari. Ima kesempatan ni jolma i pataluhon dirina sian angka ulaonna, gabe ndang ulaon i be na memerintah jolma i, ima kesempatan ni jolma i marsaor dohot Debata. Jala sian i ma berkembang tu taon sabbat. Tahun ketujuh adalah tahun kesejahteraan bagi tanah, di mana menjadi kesempatan tanah menikmati hujan dan vitamin tanah untuk menambah kesuburan dan kebebasan dari tanam-tuai.

4. Tradisi Sabbat on na pinatikhon ni Debata do i (diperintahkan langsung dari Allah (pat 2 Musa 20: 8-11: Patik paopathon dohot ayat 1 ni turpuk on). Dipasahat Debata pe patik na on, asa di ulahon nasida do di tano na gok susu dohot situak ni loba. Ala ni do pasahaton ni Debata ma tu nasida tano na napu, pasupasu na godang na laho kelolaon ni nasida. Alai sotung do gabe ndang dipake laho mamuji Debata. Ai hombar tu panompaon, dijou debata do jolma i (Si Adam) laho mangula marhite “na patundukhon” (Pat 1 Musa 1:28), alai dung mangula jolma i onom ari ingkon do adong ari paradianan sian ulaon paulak hosa loja, asa denggan muse semangat kerja. Songon i do nang tano i na napu i, dilehon Debata pe dipatunduk jolma i, alai ndang laho dieksploitasi, laho memuaskan kerakusan ni jolma. Ala ni do mansai porlu do adong sabbat i, ai disi ma tarida na mansipaluaan; pensejahteraan dan pemuliaan.

5. Ayat 8-10: Taon parolopoloponl: dung sahat bangso i tu tano Kanaan, ingkon bilangan ni nasida ma 7 taon paradianan Sabbat, i ma 7 hali 7 taon, asa leleng ni na 7 taon paradianan Sabbat i ima gabe 49 taon.  Jala taon pa 50 hon ima taon parolopolopon, asa disi ma dipalu nasida sarune martingting, paboa taon haluaon do i di sandok na tinompa ni Debata, paboa na so adong be penindasan, keserakahan (HOTEL). Ala ni taon Yobel nunga be di patulus Debata marhite Jesus Kristus, di lehon dirina tobus ni sude dosa, penindasan, keserakahan.

6. Pengalaman ni hita halak Batak molo manuan eme sahali do sataon, jala gumodan  do hasilna, jala sai do i asa dapot muse musim manuan. Hepe nuaeng nunga torop jolma na manuan eme ro di dua, tolu hali sataon tong do hurang.

7. Kebutuhan ekonomi dunia na mendesak mambahen jolma ndang be menghargai tano (keseimbangan alam) gabe ndang adong be tingki istirahat di jolma i nang di tano (Alam). Ai nunga rugi tahilala molo so tu balian, manang na mulaulaon hita di ari minggu i (baca: sabbat). Songon i do nang tano in dang sae dope di panen nunga di suani, nang hau, ndang matua dope nunga di taba, nang parbue ni hau i pe, ndang malamun dope nunga di putik ala diporam asa haru humatop gabe hepeng. Ai gebe harugian do tahilala molo so tabahen tano i, hape baliksa gabe dirugi i tano i do hita marhite na so napu be tano i, gabe mamupuk hita, mangaracun, dohot  lan na asing.  Ala ni marhite turpuk on dohot topik ni minggunta “manghalashon taon parolopolopon”naeng ma hita paluahon saluhut na tinompa ni Debata.