Loading...

Kamis, 30 Juni 2011

ACARA MAMASUHI SIBAGANDINGTUA




Senin, 4 Juli 2011


 (Hatorangan: U=luan, S=Sude, N=atorop, K=eluarga
01.     Marende BE No. 006 : 4 – 5               “Puji Jahowa Na Sangap”
         4. Puji Jahowa situmpak sude ulaonmu; Ai ditumpakhon tu ho tongtong hangoluanmu, Ingot ma i denggan basaNa do i, tomutomuNa sambing do. 5. Puji Jahowa tondingku, pasangap goarNa! Dohot sude na marhosa mamuji Ibana. I do ture baenon ni hita sude. Sai taendehon ma amen!
02.    Tanging
U   :  Ari on do na jinadihon ni Jahowa, marolopolop jala marlas ni roha ma hita disi!
S    :  Pinuji ma Debata na manompa saluhutna.
U   :  Mandok mauliate ma hamu di Jahowa, ai na basa do Ibana, ai ro di salelenglelengna do asi ni rohaNa i.
S    :  Pinuji ma Debata na manarihon na ringkot di ngolu ni jolma.
U   :  Martua ma angka na mangaradoti uhum, na tongtong patupahon hatigoran.
S    :  Balga do angka pambahenan ni Jahowa, hinalungunhon ni sude angka na lomo roha disi.
U   :  Hamoraon marlobilobi di bagasan jabuna, jala hot do hatigoranna i ro di salelenglelengna. Sai binsar do di partigor i hatiuron di haholomon, sian Ibana pardengganbasa, parasi roha jala na bonar. Haleluya.
         Martangiang ma hita! Ale amanami jala Debatanami na maringanan di banua! Na ro do hami tu joloM mamboan puji-pujian dohot hamauliateon ni rohanami tu adopanMu. Apala di tingki on dilehon Ho do di hami las ni roha, hahipason, gabe ni angka na niula dohot sinur ni na pinahan. Dipasu-pasu Ho do hami sonang sohariboriboan, mardame-dame, jala mardenggan-denggan di angka parsaoran si gaup ari.
N   :  Tung balga do las ni rohanami sadarion, siala bolas keluarga on mamasuki jala mangompoi bagas na uli on. Ala ni ale Tuhan, sai Ho ma na mandongani nasida.
K   :  Sai inganan pangalapan ni tua, pasu-pasu jala hadameon nasian Tuhanta ma bagas on di hami saluhutna; ala ni ale Tuhan; padao ma na mambahen parmaraan, songgot-songgot, manang parsahiton di hami sude. Jala patongon ma hombarjabu dohot dongan sahuta rodi ale-ale na marsihohot di hataM di luat on. Tambai ma pasamotan dohot silas ni roha di hami dohot diangka ianakhon rodi pinompar nami, asa lam tau hami mamuji jala pasangaphon Ho, marhitehite Jesus Kristus Tuhannami.
U   :  Paingot hami saluhutna ale Tuhan Jahowa, asa unang holan arta portibion huringkoti hami, alai asa mangarade hami di bagas nasumurung di banua ginjang naung pinaradeM, naso targagat ni ngitngit dohot tasik. Di bagasan goar ni Jesus Kristus Tuhan nami. Amen !
03.    Marende BE No. 12  : 2 - 3      “Dipuji rohangkon do Ho”
         2. Huboto, Ho do mual ni na denggan sasude. Dilehon Ho do sian i, godang di hami be.  3. Ai aha ma adong hian di hami na lea. Sude dilehon Ho nian o Tuhan Debata!
04.    Manguras bagas
U   :  Di bagasan Goarni Debata Ama, AnakNa Tuhan Jesus Kristus dohot Tondi Porbadia ma tapungka mamasuhi bagas on. Ai molo so Jahowa paulihon bagas, loja sambing do angka na mamandei; molo so Jahowa marhal huta i, ndang marniula hadudungo ni parhal. Heleluya!
S    :  (Mangendehon BE. No, 112: 1 "0 Tondi Parbadia i, bongoti)
         1. Haleluya! Tapuji ma Amanta Tuhan Debata dibaen denggan basaNa. Sai tong girgir ma hita be pasangap Debatanta i, dibaen asi rohaNa. Sangap, sangap, Hagogoon, Hatoguon, hapistaran. Di Amanta na di ginjang.
U   :  Jesus Kristus, i do Messias na gok hapistaran i. lbana ma na marhuaso di sandok bagas on. Jala lbana ma na mangalehon hapistaran na sian Jahowa tu pangisi ni bagas on, ai hapistaran ni angka parompuan pajongjong jabuna, alai anggo na oto, laos tanganna sandiri mangalohaisa.
S    :  (Mangendeho BE. No. 112: 2 "0 Tondi Parbadia i, bongoti)
         2. Haleluya! Di Jesus i, talehon hasangapon i, nang pe pujipuji an. Dilehon do mudarNa i, mamuri hita sasude, parade hatigoran. Denggan, denggan, parsaoranta tu Tuhanta, BadiaNa songgop do tu huriaNa.
U   :  Tondi Parbadia i ma mangondihon bagas on nang pangisina, asa hot di ojahanna dohot kunci-kuncina, paima haroro ni Tuhanta, ai tapaimaima do huta na marojahan na hot, na pinaradeNa jala na pinauli ni Debata.
K   :  (Mangendeho BE. No. 112: 3 "0 Tondi Parbadia i, bongoti)
         3. Haleluya! Di Tondi i, na sangap, na badia i, tadok mauliate. Aut unang saor Ibana tu rohanta na so dung togu, luhut na do mandate. Tua, tua, ma jambarta bahenonNa salelengna di adopan ni Debata.
05.    Litany sipaingot tu nampuna bagas:
U   :  Di na marlas no roha hita mangompoi bagas ni keluarga on, tama do pahusor-husoron ni rohanta poda ni Debata tu angka naung tarpasupasu di ngolu siganup ari, dohot pauli angka bagas na songon na tarsurat di 5 Musa 8: 11 – 20 songon on: "Antong ramoti hamu ma dirim, asa unang lupa roham di Jahowa, Debatam, gabe ndang diradoti ho angka tano i, uhumna dohot aturanna, angka na hutonahon itu ho sadarion.
S    :  Asa unang ia dung mangan ho jala bosuran, jala dipauli ho angka bagas na uli diingani ho. Tole lombum dohot birubirum lam sinur do jala ganda perak dohot sere di ho, ganda huhut saluhut na di ho.
U   :  Hape lam dipaginjang ho roham jala lupa ho di Jahowa Debatam, na manogihon ho ruar sian tano Misir, sian bagas parhatobanan.
N   :  Ibana manogunogu ho di halongonan na bolon jala na jorbut, inganan ni ulok tulung api dohot naga dohot hala, tano hasang huhut na so marisi aek; Ibana tahe paruarhon di ho aek sian dolok batu na pir sahali. Ibana mangalehon ho mangan Manna di halongonan, na so tinanda ni angka ompum, asa Ibana paserep roham dohot mangunjuni ho, asa marhasonangan ho bahenonna di ujung.
K   :  Asa unang dohononku di bagasan rohangku: Gogongku sandiri dohot huaso ni tanganku mangomo di ahu hamoraon on.
U   :  Ingkon paingotingoton ni roham tahe Jahowa, Debatam, ai Ibana do na mangalehon gogo tu ho mangomo angka arta i, asa pahothon padanNa naung niuarihonna tu angka ompum, songon na andar sadarion. Alai tung sura lupa roham di Jahowa, Debatam, jala diihuthon ho angka debata sileban huhut mangoloi jala marsomba tusi, hatindangkononku hian ma tu hamu sadarion, ingkon mago situtu hamu.
K   :  Sai hutangihon jala dipeop rohanami ma saluhut hata ni Debata nahujalo hami sadarion. Jala sai dipargogoi ma hami manghamauliatehon pasu-pasuMi Tuhan, bahen sangap di GoarMu na badia i !
S    :  Ima tutu! Dongani jala paingot hami Tuhan mangulahon hataMi. Amen.
06.    Marende BE No. 470: 1 + 5    “Jesus Ho nampuna au”
         1. Jesus Ho nampuna au dohot na adong di au. Gogo dohot hosangki sahat ma tu tanganMi. 
         5. Sere, arta, hepeng pe, buat ma di Ho sude: tondi nang pamatangki, ingkon Ho oloan nii.
07.    Jamita
08.    Marende BE No. 569 : 1“O Debata tung longang do rohangku” (P. Pelean)
         1. O, Debata tung longang do rohangku, molo hubereng na tinompaMi. Saluhut bintang, hilap dohot ronggur, manghatindangkon hasangaponMi. Marende au Tuhan mamuji Ho. O, Debata sangap do Ho. Marende au Tuhan mamuji Ho. O, Debata sangap do Ho.   2. Diladang di adaran dohot tombak, marende pidong tung mansai sonang. Punsu ni dolok, sunge, dohot rura, mamaritahon sangapMi Tuhan. Marende au Tuhan mamuji Ho. O, Debata sangap do Ho, Marende au Tuhan mamuji Ho. O, Debata sangap do Ho  3. Molo huingot balga ni holongMu, Marhite Jesus na tarsilang i. Anak sasadaMi O, Debatangku, dilehon Ho manobus jolma i. Marende au Tuhan mamuji Ho. O, Debata Sangap do Ho, Marende au Tuhan mamuji Ho. O, Debata sangap do Ho.
09. Tangiang Panutup
U   :  Di naung hubongoti jala huompoi hami bagas on sadarion, hupasahat jala hupagomgomhon hami ma tu Ho saluhut pangisi ni bagas on; mulai sian na metmet sahat rodi namagodang, sisolhot, ale-ale rodi angka ariari nasida. Mian ma Ho di bagas on marhitehite TondiM, ramoti ma nasida mangingani bagas sibaganding tua nauli on rodi salelenglelengna.
K   :  I ma tutu ale Tuhan, suru ma TondiM, Tondi Parbadia i tu ganup hami pangisi ni bagas on, asa jumpang hami dame, las ni roha hatuaon, parsaoran na tama, asa ma sihaholongan hami marhitehite Goar ni Jesus Kristus, Tuhannami.       
U   :  (Hombar tu Agenda)















Tidak ada komentar:

Poskan Komentar