Psalmen 33: 1 – 9
Psalmen ima ende pujipujian songon tanda las ni roha ni bangso na dapotan di huaso dohot hagogoon ni Debata. Godang do tujuan ni pujipujian molo di hata Ibrani, isarana pujipujian manghamauliatehon panompaon ni Debata, ma lua sian parmaraan/musuh, pesta panen dohot lan na asing.
- Ay. 1-3, Joujau mamuji Debata
Psalmen on ima joujou asa marsuraksurak mamuji Debata ala dihilala bangso Israel do haluaon na binahen ni Debata di parngoluon ni nasida. Jala ayat on joujou do nang tu hita asa ta puji Debata dibagasan las ni roha dohot hamauliateon ala ni angka pambahenanna na ta jalo di ngolunta. Didok di ayat 1 “talup do marende angka na unjur marroha” (Sebab memuji-muji itu layak bagi orang-orang jujur). Halak na ujur (orang jujur) na mang hilala pasupasu ni Debata do na boi mandok mauliate, na mangarajumi saluhut na masa na di ngoluna jala margogo/marbisuk ibana mangadopi salauhutna i, ido na boi mandok mauliate jala mamuji Debata. Jaka pamujiaon i baoi doi marhite na rap marminggu (ibadah), jala pamujion i mardongan alat musik songon las ni rohana. Alai tauji ma jo mamareng pamujionta tu Debata, dohot alat music na tapake, ndang be naeng mamuji Debata, ai naeng memuaskan kebutuhanta do, ala ni do ndang sian rohanta be hita jotjot mamuji Debata ala ndang sesuai dohot seleranta. Ujungna taendehon pamujion tu Debata alai ndang taantusi aha do lapatan ni na taendehon i. Isarana angka engde pujian ganup minggu na taendehon i ndang asala dipambahen i, alai adong do pamujion tu Debata binahen ni pandonganion na di saluhut ngolunta.
- Ay. 4-5, aha do mambahen jolma i mamuji Debata
Na sintong do hata ni Debata di parngoluon ni jolma. Ndang hea Debata ndang pasauthon na ni dokna, lapatanna ndang parjanji koling Debata na so mangingot janjiNa, aha naung ni dokNa ingkon do saut di parngoluonta. Sian i bai ma batoonta na sintong do Debata jala na satia. Ala ni do sasintongna halak na tumangihon hata ni Debata ndang be di bagasan ganggu ni roha, alai marpos ni roha di pandonganion ni Debata tung na so pasombuon na ibana. Ai ndang na marna montok asi ni roha dohot holongNa tu hita jolma, ai di bagasan asi dohot holongNa i do dipatupa di hita pardengganan marhite Jesus Kristus. Ala ni do angka na sintong pambahenan ni Jahowa, ndang di halomohon Deabat ketidak adilan songgop tu angka na manghaporseai ibana. Gok asi ni roha ni Jahowa do tano on.
- Ay 6-8, habalgaon ni Debata di panompaonNa
Di dok di ayat 6 “Marhitehite hata ni Jahowa do manjadi angka langit, jala marhitehite hosa ni pamanganna sude angka paranganna.”, Ruach (yang diterjemahkan "hosa" boi do i marlapatan Tondi ni Debata) jala ima na patuduhon hata ni Debata sangar berkuasa. Allah bekerja dalam kehidupan manusia lewat kuasa firmanNya, ala ni do, hataNa i sipangasahononta di ganup ngolunta. Ai marhite hataNa saluhutna do manjadi, ai saluhut na do ditompa Debata. Ala ni do diayat 8 “Sai marhabiaran maradophon Jahowa ma sude tano on, jala marsomba tu Ibana ma sude pangisi ni portibi on.” Mabiar jala marsomba maradophon Debata ima respon ni jolma di saluhut pambahenan ni Debata. Jala na tinompa ni Debata sian saluhutna na boi marpingkir jala marroha ima jolma, ala i do jolma i do na boi mamuji Debata, jala mambahen saluhut na tinompai mamuji Debata. Jala marhitte na marhabiaran jala marsomba hita tu Debata patuduhon haunduhon ni rohanta tu Debata, jala na so adong do sipangasahononta asing sian Ibana. Jala ingotma ma hita marhabiaran jala marsomba tu Debara ndang na menghindar manang lari sian adopan ni Debata, isara na songon sahalak na marsala gabe mabiar pajumpang, justru harus lebih mendekatkan diri dan melakukan sesuai dengan kehendakNya. Dengan demikian akan tercipta persekutuan yang harmonis antara Allah dan kita manusia.
- Ay. 9, Huaso hata i Jahowa
Huaso ni Debata marhite hata na mampu melakukan segala hal. Marhite hata di tompa Debata do saluhutna 1 Musa 1: 1)). Ala ni do songon halak na porsea hita, holan hata ni Debata i do sipangashonon ta di ngolunta.
